Almaty oblysynyń kásipkeri balalardy tegin tamaqtandyrýda

TALDYQORǴAN. QazAqparat - Almaty oblysynyń Kóksý aýdanynda turatyn kásipker kelinshek 2012 jyldan beri balalardy tegin tamaqtandyryp keledi. Aýdandyq isker áıelder keńesiniń tóraıymy Saıda Saıtova 35 balany óz qamqorlyǵyna alǵan, dep habarlaıdy QazAqparat tilshisi.

Kásipker qaıyrymdylyq jumystaryn aýdanda turatyn az qamtylǵan otbasylardan shyqqan balalarǵa baǵyttap otyr. Jalpy ol bıznespen 2000 jyldan bastap aınalysyp keledi.

Saıda Mahmutqyzy kásipti sulýlyq salonyn ashýdan bastaǵan. Zańgerlik bilimi bar. Keıin azyq-túlik dúkenderin ashqan. Al biraz ýaqyttan beri jalpy bilim beretin mektepte ashananyń sharýasyn dóńgeletip otyr. Búginde kásipkerdiń qolastynda 10 adam jumys isteıdi. Osynshama merzim ishinde isker áıel áleýmettik jaýapkershiligi týraly umyt qaldyrǵan emes.

Saıda Saıtovanyń ózi de kóp balaly otbasydan shyqqan. Sondyqtan qaıyrymdylyq jáne jaýapkershilik, janashyrlyq sııaqty qundylyqtar oǵan bala kezden tanys. Іsker azamatsha qaıyrymdylyqtan bólek qoǵamdyq jumystarǵa da belsene aralasyp turady. Ol Kóksý aýdanyndaǵy uıǵyr halqynyń etnomádenı ortalyǵyn, ata-analar komıtetin basqaryp keledi.