Almaty oblysynyń Іle aýdanynda 3 myń otbasyǵa azyq-túlik taratylýda
«Biz birgemiz!» respýblıkalyq aktsııasyna beton, plıtka, plastmassa buıymdaryn óndiretin «Arkaz Invest» jaýapkerligi shekteýli seriktestigi qoldaý bildirdi. Igi bastama barysynda 3000 qorap azyq-túlikti aýdan ortalyǵy - Energetık okrýginen bastap Baıserke, Jetigen, Qaraoı, Aşybulaq, Mejdýrechensk, KazTsIK, Chapaı, Kúrti, Boraldaı okrýgterindegi ár ataýly otbasyǵa taratýdy bastady. Búgingi kúni Boraldaı kenti, Aşybulaq, KazTsık, Mejdýrechensk aýyldarynyń otbasylaryna úlestirildi. Aldaǵy ýaqytta qalǵan aýmaqtar qamtylady. Osy azyq-túlikti halyqtyń áleýmettik álsiz tobyna taratý jumystaryna aýdandyq jastar resýrstyq ortalyǵy men toǵyz okrýgtiń eriktileri atsalysýda», - delingen Іle aýdany ákiminiń baspasóz qyzmeti taratqan habarlamada.
Vedomstvonyń málimetinshe, osy aktsııa aıasynda aýdandyq mádenıet qyzmetkerleriniń bastaýymen kóp ret qoldanýǵa bolatyn 500 dana betperde tigilip, azyq-túlikpen birge otbasylarǵa taratylǵan. Sonymen qatar, koronavırýstan qorǵaný joldary turǵyndarǵa túsindirilgen.
«Meniń otbasymda joldasymmen birge úsh balam jáne qaıyn atam, baýyrlarym turady. Bir shańyraqta jeti adambyz. Myna qysyltaıań ýaqytta sizderdiń taraptaryńyzdan berilgen azyq-túlik januıama úlken kómek. Qarjy tapshylyǵynan ýaqytynda un-maıymyzdy ala almaı, abdyrap qalyp edik. Endi mine, osy azyqpen bala-shaǵama kem degende bir apta ystyq tamaq ázirleıtinim anyq. Osyndaı kún týǵan sátte kóńil bólip, qalymyzdy surap, eskerip jatqan aýdan basshylaryna shynaıy alǵysymdy aıtamyn», - dedi áleýmettik kómek alýshylardyń biri, Aşybulaq aýyldyq okrýginiń turǵyny Gýlmıra Jaqypova.
