Almaty oblysynyń ekige bólinýi kóptegen ekonomıkalyq, áleýmettik máselelerdi sheshedi - depýtat

TALDYQORǴAN. QazAqparat - Prezıdent elimizdegi iri aımaq Almaty oblysyn ekige bólý arqyly kóptegen ekonomıkalyq jáne áleýmettik máselelerdi sheshedi. Almaty oblystyq máslıhatynyń hatshysy, depýtat Janbolat Jórgenbaev osyndaı pikir bildirdi, dep habarlaıdy QazAqparat tilshisi.

Almaty qalasy mańyndaǵy aýdandarda halyq sanynyń ósýi, olardyń oblys ortalyǵy Taldyqorǵanǵa kelip-ketýi kóptegen qolaısyzdyqtar týdyrýda. Sondyqtan Jetisý oblysyn quryp, ortalyǵyn Taldyqorǵan etip, Almaty oblysynyń ortalyǵyn Qapshaǵaı qalasyna kóshirý utymdy sheshim deıdi oblystyq máslıhat apparatynyń ókilderi. Prezıdent Joldaýyn tyńdaǵan qaýym aımaqqa jańa ınvestıtsııalar tartylyp, shalǵaı aýdandardy qalpyna keltirý arqyly Jetisý óńirine tyń serpin beriledi degen pikirde.

«Taldyqorǵan óńirine jańa jumys oryndaryn ashý máselesin, ınvestorlardy tartý máselesi sııaqty bir keshendi josparlar daıyndalyp jatyr. Onyń bárine árıne ýaqyt kerek. Kósh júre túzeledi deıdi. Jasalyp jatqan sharalardyń barlyǵy iske asyp jatqanda árıne bolashaq Jetisý óńiri de jaqsy bir úlken oblystardyń biri bolady dep esepteımin»,- dedi Almaty oblystyq máslıhatynyń hatshysy Janbolat Jórgenbaev.