Almaty oblysynyń eki turǵyny zańsyz ań aýlady degen kúdikpen ustaldy
TALDYQORǴAN.QazAqparat - Almaty oblysynyń eki turǵyny zańsyz ań aýlady degen kúdikpen ustaldy, dep habarlaıdy QazAqparat tilshisi.
Qyrkúıektiń 18-nen 19-na qaraǵan túni polıtseıler Alakól aýdanynyń taýly aımaǵynda ÝAZ avtokóligimen júrgen eki turǵyndy ustady. Kóliktiń ishinde jas tıan-shan qońyr aıýynyń terisi, qarý jáne jabaıy ańdardy aýlaýǵa arnalǵan zattar tabylǵan. Alaıda kúdiktiler ań aýlaýǵa ruqsat qaǵazdar men qarýǵa tıesili qujattardy kórsete almady.
«Qazir atalǵan zattardyń barlyǵy tárkilenip, arnaıy saraptamaǵa jiberildi», dedi oblystyq ІІD baspasóz qyzmetiniń ókili Kóbeıhan Nurahmet.
Atalǵan faktige oraı QR QK 337 baby, 4-shi bóligi jáne 287 baby, 3-shi bóligi boıynsha is qozǵaldy. Tergeý jumystary jalǵasýda.
Aıta ketý kerek, qazirgi tańda oblysta «Brakoner» aldyn-alý sharasy ótip jatyr. Onyń aıasynda 83 zańbuzýshylyq tirkeldi. Shara 24-shi qyrkúıekke deıin jalǵasady.
