Almaty oblysynyń eki aýdanynda eki adam sýǵa batyp ketti
ASTANA. 9 maýsym. QazAqparat - Almaty oblysynyń eki aýdanynda eki er adam sýǵa batyp ketti. Bul týraly QR TJM-niń baspasóz qyzmetinen habarlady.
7 maýsym kúni saǵat 16:00-de Іle aýdanynyń Mejdýrechensk aýylynda shomylý barysynda 27 jastaǵy er adam sýǵa ketip, mert boldy. Onyń denesi jer betine 8 maýsym kúni saǵat 10:00-de QR TJM Almaty oblysy boıynsha TJD sýdan-qutqarý qyzmetiniń (7 adam men 1 tehnıka birligi) kómegimen shyǵaryldy.
Sondaı-aq osy kúni saǵat 20:30-da, Eskeldi aýdanyndaǵy Qaratal aýyldyq okrýginde Shaja ózenin atpen ótpek bolǵan 26 jastaǵy er adam sýǵa batyp ketti. Onyń denesi QR TJM Almaty oblysy boıynsha TJD sýdan-qutqarý qyzmetiniń (4 adam men 1 tehnıka) kúshimen izdestirilýde.
