Almaty oblysynyń bıznes obektilerine 8,5 mlrd teńgeden asa zalal kelgen
Almaty oblysynda aldyn ala esepteýler boıynsha keltirilgen zııannyń jalpy somasy 8,5 mlrd teńgeden asty. Bul týraly Jetisy ' Media aqparattyq alańynda ótken brıfıng barysynda belgili boldy.
Búgingi tańda Taldyqorǵan qalasynda, Qarasaı, Jambyl, Aqsý aýdandarynda 120-ǵa jýyq zardap shekken bıznes sýbektileri anyqtaldy. Olardyń ishinde «Qaraǵash» saýda úıi men 5 dúńgirshek, «Sulpak» turmystyq tehnıkasynyń 3 dúkeni, «Technodom» tehnıka dúkeni, «Small» sýpermarketi, polıtsııa departamenti men oblys ákimdiginiń ashanalary, Qarasaı aýdanynda «Aport» SOO-da 70-ke jýyq dúken men dúńgirshek jáne «Altyn orda» bazarynyń 20-ǵa jýyq saýda dúkeni, sondaı-aq eki maı quıý beketi, Jambyl aýdanynda 1 JMQS, Aqsý aýdanynda 1 kásiporyn jáne taǵy basqa obektiler bar.
Zardap shekken kásipkerlik sýbektileriniń 83 paıyzy – shaǵyn jáne orta bıznes ókilderi, qalǵan 17 paıyzy - iri bıznes ókilderi.
«Bıznes ıeleriniń nazaryn zardap shekken kásipkerlerge zalal kólemin odan ári dáleldeý úshin ýákiletti organdardan nemese jeke baǵalaý kompanııalarynan zalal týraly qorytyndy almaı, qıraǵan oryndardy retke keltirmeýge keńes beremiz», – dedi Almaty oblysy Kásipkerler palatasynyń dırektory Lazzat Shynǵysbaeva.
Respýblıkalyq deńgeıde zardap shekken bıznesti qoldaý qory «Kúshimiz Birlikte» – «Sıla v edınstve»quryldy. Qarjylyq kómek kórsetýdi qalaıtyndardyń barlyǵy UKP sall–ortalyǵy men Almaty oblysy Óńirlik keńesiniń telefondary arqyly habarlasa alady. Komıssııa sheshkennen keıin qordyń aqshasy obektileri tonalǵan jáne buzylǵan óńirlerdiń kásipkerlerine bólinetin bolady.
Qazirgi ýaqytta halyq pen bıznesti qoldaý úshin Qarjy naryǵyn retteý jáne damytý agenttigi tótenshe jaǵdaıdy engizý nátıjesinde zardap shekken jeke jáne zańdy tulǵalardyń kredıtterine baılanysty tólemderdi keıinge qaldyrýdy usyný boıynsha buıryq qabyldady, sondaı-aq kredıtterdiń merzimi ótken jaǵdaıda aıyppuldar men ósimpuldardy esepteýge tyıym salyndy jáne talap-aryz jumysy toqtatyldy.
Alaıda, jaǵdaıǵa qaramastan, kóptegen kásipkerler «Atamekenniń» blokpostardaǵy áskerı qyzmetshilerdi qoldaý týraly úndeýine ún qosty. Taldyqorǵan men aýdandardyń restoratorlary, óńirlik keńestiń, kásipkerler keńesteri men isker áıelder keńesiniń, «Vmeste my – sıla» kásipkerler qaýymdastyǵynyń músheleri blokposttardy azyq-túlikpen, otynmen, dári-dármekpen jáne basqa da qajetti quraldarmen qamtamasyz etýde.
