Almaty oblysynyń bastaýysh synyp oqýshylaryna sabaq bolmaıdy
TALDYQORǴAN.QazAqparat - Búgin Almaty oblysynda úskirik aıazǵa baılanysty bastaýysh synyptarda sabaqtar toqtatyldy. Erteń de 0-4 synyptyń oqýshylary oqymaıdy, dep habarlaıdy QazAqparat tilshisi.
«Almaty oblysy boıynsha 16 aýdan men 3 qala bar. ıAǵnı, osy 19 aýdan men qalanyń 15-inde 0-4 synyp oqýshylaryna sabaq bolmaıdy. Aýa temperatýrasy -25 gradýsqa jetken eldi mekenderde sabaqtar toqtatyldy. Erteń de úskirik aıazdyń saqtalýyna baılanysty bastaýyshtyń balalary oqymaıdy», dedi oblystyq bilim basqarmasy basshysynyń orynbasary Maıgúl Omarova.
Sondaı-aq, Maıgúl Tileýtaıqyzynyń aıtýynsha, Qarasaı, Raıymbek, Panfılov aýdandarymen Tekeli qalasynyń mektepteri tolyq rejimde jumys istep tur. Sebebi bul aımaqtarda aýa temperatýrasy -25 gradýsqa jetpegen.
