Almaty oblysynyń avtokerýeni Astanaǵa jol tartty
ASTANA. 13 qyrkúıek. QazAqparat - Erteń, ıaǵnı 14 qyrkúıekte túski saǵat 14:00-de Qaraǵandy tas jolyndaǵy Astanaǵa kiretin jol polıtsııasy beketinde Almaty oblysynan kele jatqan aýyl sharýashylyǵy ónimderiniń avtokerýenin kútip alý sharasy bolady.
Bul týraly «Baıterek» halyqaralyq baspasóz klýby habarlaıdy.
Astananyń ishki naryǵyn azyq-túlikpen qamtamasyz etý úshin 15-16 qyrkúıek kúnderi qalalyq alańda Almaty oblysynyń 16 aýdany (Aqsý, Alakól, Balqash, Eńbekshiqazaq, Eskeldi, Jambyl, Іle, Qarasaı, Qaratal, Kerbulaq, Kóksý, Panfılov, Raıymbek, Sarqant, Talǵar jáne Uıǵyr), 3 qalasy (Qapshaǵaı, Taldyqorǵan, Tekeli jáne «Jetisý» ÁKK) qatysatyn jármeńke ótkiziledi.
Onda qala turǵyndary men qonaqtaryna aýyl sharýashylyq ónimderiniń alýan túri naryqtaǵydan 20 paıyzǵa arzan baǵamen usynylady.
Ónimniń jalpy kólemi 389 495 kelini quraıdy dep josparlanyp otyr.
