Almaty oblysynyń aýrýhanalarynyń birinde balalar úshin asa qajetti qymbat jabdyq turalap tur
TALDYQORǴAN. 10 shilde. QazAqparat - Almaty oblysynyń aýrýhanalarynda zamanaýı jabdyqtar qoldanyssyz turdy.
Oblystyq prokýratýradan habarlaǵandaı, Raıymbek aýdanyndaǵy ortalyq aýrýhananyń perzenthana bóliminde bir jylǵa jýyq ýaqyt boıy 14 mln.-nan astam teńge turatyn ókpeni jasandy ventılıatsııalaý apparaty qoldanyssyz tur.
Ókpeni jasandy ventılıatsııalaý apparatynyń aýa ballondaryna qosylatyn shtýtserlerdiń bolmaýy jabdyqtyń paıdalanylmaýynyń sebebi bolyp shyqty. Sondaı-aq eki jyl boıy quny 7 mln. teńgeden asatyn sábılerge arnalǵan ınkýbator jáne 5 mln. teńgeden astam soma turatyn ÝZI - DP-6600 apparaty iske jaratylmaǵan.
Aıta keteıik, ótken jyly bul bólimshede dúnıege kelgen 3 sábı kóz jumdy. Bıyl bul oqıǵa qaıtalandy. Sábıler tynys alý joldarynyń jáne júrek-qan tamyry aýrýlarynyń saldarynan shetinegen.
