Almaty oblysynyń aýdanynda turǵyndar 80 gektar aýmaqty tastan tazartýda
Aldaǵy ýaqytta bul jerge sharýa ıesi júgeri ekpek. Qazirdiń ózinde 50 gektar dalanyń tasy terilip, ornyna tyńaıtqyshtar tógilip jatyr. 2000 jyldan beri paıdalanylmaı jatqan dala buryndary egistik alqap bolǵan eken. Kásipker Kamel Maqsut jergilikti turǵyndarǵa kúndik jalaqysyn tólep, saıyn dalanyń tasyn tergizýde. Aıtýynsha qum dalany jaıqaltamyn dep otyr.
«Biz bul jerdi byltyrǵy jyly ınvestıtsııalyq jobamen alǵanbyz. Іrgeden kanal boıymen sý júredi, tyńaıtqyshtar bar osyny paıdalanamyz. Sonymen qatar saýmalmen emdeý ortalyǵyn salyp jatyrmyz. 30 mln teńgege saýmal óńdeıtin qurylys nysanyn saldyq. Ótken jyly asyl tuqymdy 300 jylqy satyp ákeldik. Aldaǵy ýaqytta osy baǵytta jumystar jalǵasatyn bolady» degen qojalyq ıesi budan bólek 40-qa jýyq adamdy jumyspen qamtyp otyr.
Jalpy Panfılov aýdany boıynsha aýyl sharýashylyq maqsatynda 333 myń gektar jer paıdalanýda. Sonyń ishinde sýarmaly jerdiń 27 myńǵa jýyq gektary júgeri egistigine arnalǵan. Qazirgi tańda kóktemgi egistik naýqanyna qyzý daıyndyq júrilýde . Jańadan taǵaıyndalǵan aýdan ákimi Marat Saǵymbek oblys basshys Qanat Bozymbaevtiń tapsyrmasyna sáıkes óńirde paıdalanylmaı jatqan bos jerlerdi aýdandyq jer qoryna qaıtarý jumystaryn júrgizýde. Qazirdiń ózinde 268 gektar jer aýdandyq jer qoryna qaıtaryldy.
