Almaty oblysynyń aýdandarynda ondaǵan úılerdi sý basyp qaldy
ASTANA. Aqpannyń 23-i. QazAqparat - Almaty oblysynyń 5 aýdanynda qyzylsý júrip ótti, 76 turǵyn úıdi sý basyp qaldy. Jergilikti turǵyndar men áskerıler qazir oqıǵa ornynda qutqarý sharalaryn júrgizýde,
dep habarlady Qazaqstannyń Tótenshe jaǵdaılar mınıstrliginiń baspasóz qyzmetinen.
Vedomstvonyń málimetteri boıynsha, jaýyn-shashynnyń jáne qardyń erýi saldarynan aqpannyń 22-sinde saǵat 07.30-den 16.30 aralyǵynda úı aýlalaryn sý basyp qaldy. Kóksý aýdanynyń Mámbet, Musabek, Alǵabas aýyldarynda, Іle aýdanynyń Aqshı aýylynda, Eskeldi aýdanynyń Baqtybaı, Qarabulaq aýyldarynda, Uıǵyr aýdanynyń Uzyntam aýylynda, Panfılov aýdanynyń Jarkent qalasynda, Kóktal, Úsharal, Kishi syǵan aýyldarynda barlyǵy 76 turǵyn úıdi sý basyp qaldy.
Atalǵan aýyldarda tótenshe oqıǵanyń saldaryn joıýǵa jergilikti turǵyndar, qutqarýshylar men áskerıler jumyldyryldy. Panfılov aýdanynda tótenshe oqıǵanyń saldaryn joıýǵa №74261 áskerı bólimniń jeke quramynyń 200 adamy, «Orman sharýashylyǵy» memlekettik mekemesiniń 2 motopompasy, Jarkent kommýnaldyq sharýashylyǵynyń 4 tehnıkasy jáne 974 jergilikti turǵyn atsalysýda.
