Almaty oblysynyń Almaty qalasymen shekarasyna 17 blokbeket qoıyldy
TALDYQORǴAN. QazAqparat - Almaty oblysynda qoıylǵan blokbeketterde bir ýaqytta shamamen 100 tártip saqshysy qyzmet atqarady. Eń kóp blokbeket Qarasaı aýdanynda, naqty aıtqanda 8 orynǵa qoıyldy. Іle aýdanynda - 6, Talǵar aýdanynda 3 jerde baqylaý-ótkizý beketi uıymdastyryldy, dep habarlaıdy QazAqparat tilshisi.
«Memleket basshysynyń tapsyrmasyna sáıkes, elimizdiń aýmaǵynda tótenshe jaǵdaı jarııalandy. Osyǵan oraı, QR Іshki ister mınıstriniń buıryǵymen polıtsııanyń jeke quramy qyzmet atqarýdyń kúsheıtilgen tártibine kóshirildi. Polıtsııanyń basty mindeti – qoǵamdyq tártipti qorǵaý jáne azamattardyń qaýipsizdigin qamtamasyz etý. Qazirgi ýaqytta departament tarapynan koronavırýs indetiniń aldyn alý jáne onyń taralýyna jol bermeý maqsatynda tıisti sharalar qabyldanýda. Ótken táýlik ishinde blokbeketter jumysyna jumyldyrylǵan qyzmetkerler 3 266 kólikti tekserdi. 19 naýryzdan, ıaǵnı karantın engizilgeli beri (Almaty qalasynda – red.) 23 000 kólik tekserýden ótti», - dedi Almaty oblysy Polıtsııa departamentiniń bastyǵy Serik Kúdebaev.
Sonymen qatar, oblys ortalyǵy – Taldyqorǵan qalasy mańyna 4 sanıtarlyq beket qoıyldy. Jaqyn kúnderi qalaǵa 8 064 kólikke mingen 20 myńnan astam jolaýshy kirgen. 21 naýryzdan beri beketterden 21 371 kóliktiń ótkeni anyqtaldy. QR Ákimshilik quqyq buzýshylyqtar týraly kodekstiń 476-babynyń talaptaryn buzǵan 26 tulǵa jaýapkershilikke tartyldy.
«Qurmetti, jerlester, eń aldymen sizdiń jáne jaqyndaryńyzdyń qaýipsizdigine baǵyttalǵan ishki ister organdarynyń áreketteri men sharalaryna túsinistikpen qaraýlaryńyzdy suraımyn. Sonymen qatar, tótenshe jaǵdaı tártibin qatań saqtaýǵa, álemdik deńgeıdegi indetpen kúreste jáne onyń aldyn alýda polıtsııanyń jáne ózge de qyzmettiń talaptaryn oryndaýǵa shaqyramyn. Eń bastysy, sizdiń densaýlyǵyńyzdyń kepili bolatyn – sanıtarlyq-gıgıenalyq normalardy saqtaý qajettigin eskertemin», - dep atap ótti oblystyń bas polıtseıi.
Aıta keteıik, Almaty oblysynda koronavırýsqa shaldyǵýdyń 1 oqıǵasy tirkeldi. Osy ýaqyttaǵy jaǵdaı boıynsha Qazaqstanda indetti 124 adam juqtyrdy.
