Almaty oblysynyń Alakól aýdanyndaǵy kópirdi sý shaıyp ketti
TALDYQORǴAN. QazAqparat - Almaty oblysynyń Alakól aýdanyndaǵy kópirdi sý shaıyp ketti, dep habarlaıdy QazAqparat tilshisi.
Alakól aýdandyq baspasóz qyzmetiniń málimetinshe, qazir kópirdi qalpyna keltirý júrgizilip jatyr.
«Alakól aýdany aýmaǵyndaǵy oblystyq mańyzdy bar Qabanbaı-Lepsi avtomobıl jolyndaǵy kópirdi sý shaıyp ketti. Oqıǵa 30 sáýir kúni saǵat 21:00 shamasynda boldy. Taýdan aqqan ózen sýynyń shamadan tys kóterilýinen kópirdiń bir jaq shetin shaıyp ketti», - delingen vedomstvonyń taratqan habarlamasynda.
Qazirgi kezde «Alakól joldary» jáne «SPM-306» mekmelerinen 6 tehnıka jetkizilip, qajetti mamandar jumyldyrylyp, kópir qaıta keltirilip jatyr.
«Atalǵan kópirdiń qurylys jumystaryna tapsyrys berýshi Almaty oblysynyń jolaýshy kóligi jáne avtomobıl joldary basqarmasy. Merdiger mekeme «SMP-306» JShS mekemesi»,- dep tolyqtyrdy atalǵan vedomstvonyń ókilderi.
