Almaty oblysynyń ákimi jetisýlyq zııaly qaýym ókilderimen kezdesti
TALDYQORǴAN.QazAqparat - Almaty oblysynyń ákimi Amandyq Batalov Taldyqorǵanda jetisýlyq zııaly qaýym ókilderimen kezdesti. Qaratal ózeniniń jaǵasyndaǵy ásem tabıǵat aıasynda ótken bul basqosýda «Rýhanı jańǵyrý» baǵdarlamasy aıasynda júzege asyrylyp jatqan jumystar men aımaqtyń áleýmettik-ekonomıkalyq damýy, mádenı, ádebı úderister jaıy sóz boldy, dep habarlaıdy QazAqparat tilshisi.
Atap aıtar bolsaq, Almaty oblysynda osydan biraz ýaqyt buryn «Jetisýdyń kıeli jerleri» jobasyn júzege asyrý jumystary qolǵa alynǵan bolatyn. Ol úshin arnaıy keńes qurylyp, 100-den astam kıeli jerdiń tizimi jasaldy. Onyń quramyna tabıǵı saıabaqtar men keseneler, tamǵaly tastar jáne kóne qorymdar kirdi. Sondaı-aq oblys basshysynyń qoldaýymen jyl saıyn jetisýlyq jas aqyn-jazýshylardyń kitaptary men jyr jınaqtary jaryq kórip keledi. Artyna tumadaı taza tup-tunyq jyrlar jazyp qaldyrǵan Tumanbaı aqynnyń ortalyǵyn qurý jumystary da qolǵa alyndy. «Rýhanı jańǵyrý» qazaq rýhanııatynyń damýyna, barymyzdy baǵalap, joǵymyzdy túgendeýge jol ashatyn súbeli baǵdarlamalardyń biri,- deıdi jetisýlyq zııaly qaýym ókilderi.
