Almaty oblysynyń ákimi voleıboldan joldastyq kezdesý ótkizdi
TALDYQORǴAN.QazAqparat - Jazǵy sporttyq maýsymnyń bastalýyna oraı Taldyqorǵandaǵy jaǵajaı voleıboly alańynda voleıboldan joldastyq kezdesý ótti, dep habarlaıdy QazAqparat Almaty oblysy ákiminiń baspasóz qyzmetine silteme jasap.
Kezdesý barysynda komandalardyń birine jetekshilik etken oblys ákimi Amandyq Batalovpen birge Asqar Shalqybekov, Dmıtrıı Zverev, Talǵat Ómirbekov, Vıktor Ýmantsov, Talǵat Jaqsylyqov syndy sport sheberleri, sonymen qatar memlekettik qyzmetshiler men jastar da oıyn alańynan tabyldy. Jarys salaýatty ómir saltyna úndeý, sportty nasıhattaý maqsatynda ótkizildi,
Sporttyq oıynnyń bel ortasynan tabylǵan oblys ákimi A. Batalov voleıboldan sport sheberi, búgingi kúnge deıin sporttyń osy túrimen belsendi aınalysyp keledi. Ol Almaty qalasy men Almaty oblysynyń Voleıbol federatsııasynyń prezıdenti. Oblysta A. Batalovtyń jetekshiligimen buqaralyq sporttyń damýyna, salaýatty ómir saltyn qalyptastyrýǵa barynsha jaǵdaı jasalýda.
Máselen, atalmysh joldastyq kezdesý ótkizilgen arnaıy voleıbol alańy «Jastar» Sport saraıynyń janynan osydan 4 jyl buryn salynǵan. Bul keshen barlyq halyqaralyq standarttarǵa saı, ári elimizdegi jaǵajaı volebolynyń úzdik bazalarynyń qatarynda sanalady.
Jalpy, oblysta buqaralyq sport damyp keledi. Óńirde 936 voleıbol sektsııasy jumys istese, onda 82 800 sportshy jattyǵýda. 2016-2017 jylǵy oıyn maýsymynyń qorytyndysy boıynsha Qazaqstan Respýblıkasynyń XXV Chempıonatynda voleıboldan «Jetisý» áıelder komandasy men Ulttyq lıganyń 23 jasqa deıingi jastar komandalarynyń arasynda «Jetisý-2» farm klýb komandasy qola júldege ıe bolsa, «Jetisý jastary» komandasy «Joǵarǵy Lıga - B» erler komandalary arasynda chempıon atandy.
Sondaı-aq Qazaqstan Respýblıkasynyń 4-shi Jastar sporttyq oıyndarynda oblystyń jasóspirimderi men jastar komandalary I oryndy ıelendi.
