Almaty oblysynyń ákimi Shveıtsarııaǵa jumys saparymen bardy
TALDYQORǴAN. QazAqparat - Qazaqstan Respýblıkasynyń Shveıtsarııadaǵy elshiliginiń kómegimen jýyrda Almaty oblysynyń ákimi Amandyq Batalov bastaǵan delegatsııa Shveıtsarııanyń Tıchıno kantonyna jumys saparymen bardy. Bul sapar Qazaqstan - Shveıtsarııa óńiraralyq yntymaqtastyǵyna jańa serpilis beredi dep kútilýde, dep habarlaıdy QazAqparat oblys ákiminiń baspasóz qyzmetine silteme jasap.
Qazaqstan delegatsııasynyń quramynda oblys ákimdiginiń, І.Jansúgirov atyndaǵy Jetisý memlekettik ýnıversıtetiniń, «Almaty oblysyn damytý boıynsha «Alataý» AQ, oblystyń kásipkerlik uıymdary ókilderi jáne «Jetisý» ÁKK» ulttyq kompanııasynyń basshylyǵy da bar.
Sapar kantonmen saýda-ekonomıkalyq, qarjy jáne ǵylymı-tehnıkalyq yntymaqtastyq ornatýdy, Qazaqstandaǵy bıznes júrgizýdiń jeńildetilgen sharttarymen tanystyrýdy, sondaı-aq, keleshek yntymaqtastyqty keńeıtý men jańa salalardy birlesip tabýdy maqsat etti.
Qazaqstannyń Shveıtsarııadaǵy elshiliginiń habarlaýynsha, Almaty oblysynyń ákimi A.Batalovtyń Tıchıno kantonynyń Prezıdenti Manýele Bertolımen, Memlekettik kantsler Arnoldo Kodýrımen, Ekonomıka jáne qarjy mınıstri Krıstıan Vıttamen, Lýgano qalasynyń basshysy Marko Borradorımen, Tıchıno kantony bankiniń Dırektorlar keńesiniń tóraǵasy Fabrıtsıo Chıslakvıchpen, Ońtústik Shveıtsarııanyń qoldanbaly ǵylym men óner ýnıversıtetiniń (SUPSI) Innovatsııa men zertteý departamenti basshysynyń orynbasary Janbatısto Ravanomen jáne 20-dan astam shveıtsarııalyq kompanııa basshylarymen kezdesýleri ótti. Almaty oblysy delegatsııasynyń músheleri Tıchıno kantonyndaǵy qoqysty qaıta óńdeý boıynsha eń iri kásiporyn «Azienda Cantonale die Rifiuti», shokolad óndiretin «Chocolat Stella», energetıka jáne aqparattyq tehnologııalar boıynsha «AVV» kompanııalarymen, sondaı-aq Aırolo qalasynda taý shańǵysy kýrorty, asyl tuqymdy sıyr sharýashylyǵy jáne irimshik pen sút ónimderin shyǵaratyn zaýyttardyń jumysymen tanysty.
«Azienda Cantonale die Rifiuti» - Tıchıno kantonynyń qaldyqtardy tereń óńdeıtin eń iri zaýyty, táýligine 100 tonna qaldyqty óńdep, 10 MVt energııa men 2 MVt-tan astam jylý qýatyn óndiretinin atap ótý qajet.
Tıchıno kantony basshylyǵymen kelissózder barysynda saýda-ekonomıkalyq, bilim, ǵylym, týrızm, aýyl sharýashylyǵy jáne qarjy máselelerinde yntymaqtastyqty nyǵaıtý jaıy talqylandy. Kantonnyń prezıdenti Manýele Bertolı Almaty oblysy men Tıchıno kantonynyń ekijaqty yntymaqtastyq úshin úlken áleýeti bar ekendigine jáne bul sapar onyń is júzinde júzege asyrylýyna yqpal etetinine erekshe kóńil aýdardy.
Qazaqstannyń Dúnıejúzilik saýda uıymy jáne Eýrazııalyq ekonomıkalyq odaqtyń múshesi bolýynyń tıimdiligi, elimizdegi keń ınvestıtsııalyq preferentsııalar jáne bıznes júrgizý úshin jeńildetilgen sharttary Shveıtsarııa isker toptarynyń arasynda erekshe qyzyǵýshylyq týdyrdy.
Ótkizilgen kezdesýlerdiń nátıjesinde taraptar Almaty oblysyndaǵy ınvestıtsııalyq jobalardy júzege asyrý múmkindigin zerdeleýge, tájirıbe almasýǵa, ásirese Ońtústik Shveıtsarııanyń qoldanbaly ǵylymdar jáne óner ýnıversıtetimen (SUPSI) bilim jáne ǵylym salasynda yntymaqtastyqty nyǵaıtýǵa qol jetkizdi. Qazaqstan tarapy kanton basshylyǵymen jergilikti isker toptaryn Almaty oblysyna issaparmen kelýge shaqyrdy.
Aıta keteıik, Tıchıno kantony - Shveıtsarııanyń iri qarjy ortalyqtarynyń biri, sondaı-aq munda aqparattyq-kommýnıkatsııalyq tehnologııalar, bilim, týrızm, qurylys, máshına jabdyqtary, farmatsevtıka men bıomedıtsına salalary damyǵan. JІÓ 28,6 mlrd. AQSh doll., halyqtyń jan basyna shaqqanda JІÓ 82,1 myń AQSh dollary, al Shveıtsarııanyń JІÓ-degi úlesi 4,5% quraıdy.
