Almaty oblysynyń ákimi koronavırýstan jazyldy
NUR-SULTAN. QazAqparat – Almaty oblysynyń ákimi Amandyq Batalov jazylyp, aýrýhanadan shyqty, dep habarlaıdy QazAqparat tilshisi.
«Búgin aýrýhanadan shyqtym. Óz tarapymnan meni qoldap, kóńil bildirgen jerlesterime, dostaryma jáne týǵan-týystaryma alǵys aıtamyn. Al aq halatty abzal jandarǵa alǵysym erekshe. Olardyń erlikke teńerlik eńbegi men isine degen adaldyǵyna tánti boldym. Endi jumysqa kirisip, sizdermen birge indetpen kúresti jalǵastyrmaqpyn. Bir jeńnen bilek shyǵaryp qana osy derttiń betin qaıtara alamyz. Ózderińizge jáne jaqyndaryńyzǵa saýlyq tileımin», - dep jazdy Amandyq Battalov Facebook-paraqshasynda.
Eske sala ketsek, 22 maýsym kúni Amandyq Batalovtan koronavırýs anyqtalǵany habarlanǵan edi.
Keıin áleýmettik jelide óńir basshysy Taldyqorǵan qalasyndaǵy kópsalaly aýrýhananyń bir bóliminde jalǵyz jatqandyǵy týraly aqparat tarady. Biraq ákimniń baspasóz qyzmeti muny joqqa shyǵardy.
Sonymen birge QR Densaýlyq saqtaý vıtse-mınıstri Ajar Ǵınııat koronavırýs juqtyryp alǵan Almaty oblysynyń ákimi Amandyq Batalovtyń em alý úshin elordadaǵy Kardıohırýrgııalyq ortalyqqa aýystyrylý sebebin túsindirgen bolatyn.
