Almaty oblysynyń ákimi Qazaqstannyń damýynda óńirlerdiń de úlesi bar ekendigin atap ótti
Oblys ákiminiń baspasóz qyzmetiniń habarlaýynsha, A. Batalov Konstıtýtsııanyń qalyptasý tarıhyna, Ata Zańymyzdyń óńirdi órkendetýdegi róline toqtalyp ótti.
- Qadirli jetisýlyqtar! Sizderdi Qazaqstan Respýblıkasy Konstıtýtsııasy kúnimen shyn júrekten quttyqtaımyn. Bıyl - memleketimiz úshin erekshe jyl, Táýelsiz Qazaqstanymyzdyń 25 jyldyq mereıtoıy.
Halyqaralyq qaýymdastyqta laıyqty oryn alǵan Qazaqstan búgingi kúni bıik beleske kóterildi. Bul oraıda Ata Zańymyz memleketimizdiń berik qalyptasýynyń basty kepili retinde qyzmet etip keledi, - dedi oblys basshysy óz sózinde.
Ult Kóshbasshysynyń «100 naqty qadam» Ult josparyn, 5 ınstıtýtsıonaldyq reformasyn iske asyrýda - Jetisý jerinde mejeli mindetterdi kezeń-kezeńimen sheshý úshin naqty jumystar atqarylyp jatqanyn, bul tarapta árbir jetisýlyqtyń eńbegi, laıyqty úlesi bar ekenin de atap ótip, oblystyń sońǵy jeti aıdaǵy áleýmettik-ekonomıkalyq damý kórsetkishteri týraly baıandady.
Sonymen qatar álem elderimen mádenı baılanystyń nyǵaıa túskenin tilge tıek etti.
- Bıyl Túrkııa men Serbııa elderinde qazaq rýhanııaty kúnderi saltanat quryp, jyr alyptary Súıinbaı men Jambyl eskertkishteri ornatyldy. Osy jyly Semeı synaq aımaǵynyń birjola jabylǵanyna - 25 jyl tolady. 1991 jyly 29 tamyzda «Semeı ıadrolyq synaq polıgonyn jabý týraly» Jarlyqqa qol qoıyldy. Osy oraıda, Elbasynyń bastamasymen 29 tamyz - ıAdrolyq synaqtarǵa qarsy áreketterdiń halyqaralyq kúni bolyp belgilendi. Bul bizdiń elimiz úshin ǵana emes, búkil álem úshin mańyzdy qadam boldy, - dedi A.Batalov. Sóziniń qorytyndysynda jetisýlyqtarǵa zor densaýlyq, myzǵymas birlik, eńbekte tabys tiledi.
Budan keıin birqatar azamattarǵa oblys ákiminiń qurmet gramotalary men alǵys hattary tabystaldy. Sonymen qatar dástúr boıynsha memlekettik qyzmetke qabyldanǵandardyń ant berý rásimi oryndaldy.
Merekelik shara sońynda kontserttik baǵdarlama usynyldy.