Almaty oblysynyń ákimi «Dınamo» medalimen marapattaldy
TALDYQORǴAN.QazAqparat - Almaty oblysynyń ákimi Amandyq Batalov «Dınamo» medalimen marapattaldy. Óńir basshysynyń sportqa degen qoldaýy men qamqorlyǵy úshin QR ІІM «Dınamo» sport qoǵamynyń atynan osyndaı qurmet kórsetildi, dep habarlaıdy QazAqparat tilshisi.
Búgin Taldyqorǵanda QR ІІM «Dınamo» dene shynyqtyrý-sporttyq qoǵamynyń uıymdastyrýymen VI spartakıada bastaldy. Jarys Qazaqstan polıtsııasynyń 25 jyldyǵyna jáne «EKSPO-2017» halyqaralyq kórmesine oraı ótýde. Sporttyq jarystyń bastalýymen qatysýshylardy oblys ákimi Amandyq Batalov quttyqtap, sáttilik tiledi.
Sharaǵa QR Bas prokýratýrasynyń, QR UQK-niń, QR ІІM-niń, QR Ulttyq gvardııasynyń, QR QM Memlekettik kirister komıtetiniń, QR ІІM MKQB-nyń, QR UQK shekara qyzmetiniń, QR ІІM QAJK-niń jáne QR ІІM TJK-niń qyzmetkerlerinen quralǵan 9 komanda qatysýda.
Shaǵyn fýtboldan ótip jatqan respýblıkalyq jarys 26 mamyrǵa deıin jalǵasady.
