Almaty oblysynyń ákimi bıatlonshy Elena Hrýstalevaǵa quttyqtaý jedelhatyn joldady
TALDYQORǴAN. Aqpannyń 22-si. QazAqparat /Sandýǵash Dúısenova/ - Almaty oblysynyń ákimi Serik Úmbetov Vankýverde ótip jatqan XXI qysqy Olımpıada oıyndarynyń kúmis júldegeri, Almaty oblysyndaǵy Qarasaı aýdanynyń turǵyny bıatlonshy Elena Hrýstalevaǵa quttyqtaý jedelhatyn joldady.
Bul jóninde oblys ákiminiń baspasóz qyzmeti habarlady.
«Bul qazaqstandyqtardyń Vankýverde ótip jatqan XXI qysqy Olımpıadadaǵy tuńǵysh nagradasy, bizdiń memleketimizdiń halyqaralyq arenadadaǵy bedeliniń nyǵaıýyna qosqan seniń jeke úlesiń, otandyq sporttyń dańqty jylnamasyndaǵy taǵy bir jarqyn betterdiń biri. Bul EQYU-daǵy Qazaqstan tóraǵalyǵy jylyndaǵy tamasha tartý», - dep aıtylǵan jedelhatta.
