Almaty oblysynyń ákimdiginde shý shyǵarǵan saýdargerlerge ýaqytsha oryn berildi
TALDYQORǴAN.QazAqparat – Jabaıy saýdamen kúres júrgizgen Taldyqorǵan qalasynyń ákimdigi saýdagerlerdi aqyry ýaqytsha orynmen qamtydy, - dep habarlaıdy QazAqparat tilshisi.
Mundaı múmkindikke saýdagerler tek bir aıdan asa ýaqyttan soń jetti. Sebebi, Taldyqorǵan qalasynyń ákimdigi jańa bazardan oryn beremiz dep kúnde ýáde berip keldi. Biraq ol bazar áli daıyn emes, ondaǵy jumystardyń aıaqtalýyna keminde eki aıdaı ýaqyt kerek eken jáne jańa oryn týra qazandyqtyń túbinde ornalasqan. Jemis-jıdek saqtaıtyn qoımasy da qarastyrylmaǵan jer daıyn bolǵansha, halyq Almaty oblysy ákiminen ýaqytsha orynmen qamtýdy surady. Amandyq Batalov jańa bazar daıyn bolǵansha, saýdagerlerdi ýaqytsha orynmen qamtýdy tapsyrdy.
Qazir saýdagerler úshin arnaıy oryn daıyndaldy.
«Birden aıtamyn, jabaıy saýdaǵa jol joq. Biraq jańa bazar daıyn bolǵansha, sizderdi ýaqytsha orynmen qamtıdy. Men de bilemin, jabaıy saýdaǵa halyq jaqsy ómirden barmaıdy. Bárin túsinip turmyn. Biraq sizder de bizdi túsinińizder. Eger biz qazir jabaıy saýdamen kúres júrgizbesek, erteń jaǵdaı qıyn bolady. Túrli aýrýlar da osyndaı jerden shyǵady», - dedi Almaty oblysynyń ákimi Amandyq Batalov.
Esterińizge sala keteıik, 13 qańtar kúni Taldyqorǵan qalasynyń ákimdigi ortalyqtaǵy saýda oryndarynyń janynda jabaıy saýdamen aınalysqandardyń jumysyn toqtatqan bolatyn. Tipti kúres júrgizgen qyzmetkerler jumystaryn túngi ýaqytta júrgizip, saýdagerlermen kıkiljińge deıin barǵan. Biraq ákimdik ókilderi jaıma bazarda jan baqqan jandarǵa ózge saýda oryndarynan oryn usynǵan bolatyn. Al halyq ondaǵy baǵalardyń aspandap turǵanyn aıtyp, usynǵan oryndarǵa barmaıtyndaryn aıtty.
Artynsha saýdagerler aqyryndap burynǵy ádetterine basyp, jabaıy saýdamen aınalysa bastady. Al tártip saqshylary zańǵa baǵynbaǵandarǵa aıyppul saldy. Qazir saýdagerlerdiń keıbiri salynǵan aıyppuldyń quny 250 myń teńgeden asyp ketkenin aıtady.
