Almaty oblysynyń ákimdiginde serbııalyqtar tájirıbesimen bólisti
TALDYQORǴAN.QazAqparat - Serbııanyń «Interer ıAnkovıch» kompanııasynyń ókilderi ıntererlerdi, sol sııaqty ınnovatsııalyq qurylys tehnologııasyn - qurylystyń modýldi júıesin jeke daıyndaý men qurý salasyndaǵy jumystaryn tanystyrdy. Kezdesýdi Almaty oblysy ákiminiń birinshi orynbasary Lazzat Turlashov júrgizdi, dep habarlaıdy QazAqparat oblys ákiminiń baspasóz qyzmetine silteme jasap.
Delegatsııany jyly shyraımen qarsy alǵan Lazzat Turlashov oblystyń áleýmettik-ekonomıkalyq damýyndaǵy erekshelikterine, óńirdiń ınvestıtsııalyq tartymdylyǵyna toqtalyp ótti. L. Turlashov qazirgi kezde oblysta jalpy ınvestıtsııa kólemi 530,9 mlrd. teńge bolatyn 63 ınvestıtsııalyq joba júzege asyrylyp jatqanyn aıtyp, olarda 11 myńǵa jýyq jumys orny qurylatynyn da tilge tıek etti.
Munan soń kezdesýde serbııalyq tarap ókilderi sóz aldy. «Interer ıAnkovıch» kompanııasynyń bas dırektory ári ıesi Bojo ıAnkovıch kompanııa jumysy týraly keńinen áńgimeledi. Al kompanııanyń kommertsııalyq dırektory Zoran Ratsıchtiń aıtýynsha, modýldi júıelerdi balabaqshalardyń, mektepter men aýrýhanalardyń, jataqhanalar men qonaq úılerdiń, kottedjder men basqa da nysandardyń qurylysyna paıdalanýǵa bolady. Onyń basty ereksheligi - nysan qurylysyna jumsalatyn ýaqyt 50 % qysqaryp, esesine sapasy men qaýipsizdigi arta túsedi.
Kezdesý sońynda oblys ákiminiń birinshi orynbasary Lazzat Turlashov keńeıtilgen tanystyrylym úshin rızashylyǵyn bildirip, osy aıtylǵan aqparattar jete zertteý úshin qurylys salasyndaǵy arnaıy mamandarǵa jiberiletinin aıtty. Sonymen qatar bul kezdesýdiń Almaty oblysy men Serbııa arasyndaǵy yntymaqtastyqty nyǵaıtyp, órisin keńeıtýge yqpal etetinine senim bildirdi.
Atap ótsek, 30 jyldyq tájirıbesi bar «Interer ıAnkovıch» kompanııasynyń Qazaqstan naryǵyna kelgenine 3 jyl bolǵan. Almaty qalasynda fılıaly jumys isteıdi.
