Almaty oblysynyń ákimdigi jańa 11 ınvataksıdiń kiltin tabystady
TALDYQORǴAN. QazAqparat - Taldyqorǵandaǵy Oqýshylar saraıynda áleýmettik qorǵaý júıesi qyzmetkerleri kúnine arnalǵan saltanatty shara ótti, dep habarlaıdy QazAqparat tilshisi.
Sala qyzmetkerlerin kásibı merekemen Almaty oblysy ákiminiń orynbasary Jeńis Tuıaqov quttyqtap, qajyrly eńbegimen kózge túsken azamattarǵa Eńbek jáne halyqty áleýmettik qorǵaý mınıstrliginiń «Eńbek ardageri», «Áleýmettik-eńbek salasynyń úzdigi» medaldaryn, Almaty oblysy ákiminiń alǵys hattary men Qurmet gramotalaryn tabystady.
Osydan keıin oblystyq «Eńbek joly» baıqaýynyń «Úzdik áleýmettik qyzmetker», «Úzdik tálimger», «Óndiristiń úzdik jas jumyskeri» jáne «Úzdik eńbek áýleti» atalymdary boıynsha jeńimpaz atanǵandarǵa aqshalaı sertıfıkattar berildi.
Sondaı-aq óńir basshysynyń orynbasary múmkindigi shekteýli jandarǵa arnalǵan qoǵamdyq birlestikterge barlyǵy 11 ınvataksıdiń kiltterin tabystady. Buǵan deıin oblystaǵy ınvataksılerdiń sany 22 bolǵan edi.
