Almaty oblysynyń ákimdigi vaınerlerge 17 mln teńge bólmek
TALDYQORǴAN. QazAqparat – Almaty oblysynyń ákimdigi vaınerlerge blog-týr uıymdastyrmaq, dep habarlaıdy QazAqparat tilshisi.
Qatysýshylarǵa qoıylatyn talap qarapaıym. Eń bastysy ınstagramm jelisindegi paraqshada 1 mln 100 den asa jazylýshy, al ıýtýb kanalymen jumys isteıtin blogerde 500 myńnan asa adam tirkelgen bolýy kerek. 12 adamǵa 10 mln teńge gonorar qarastyrylǵan sharada qatysýshylar Jetisý jeriniń kórikti bes jerin ıaǵnı, Kólsaı men Qaıyńdy kólderin, Sharyn shatqalyn, Áýlıe aǵash, Altyn emel ulttyq parkindegi sakraldy jerlerdi nasıhattaýy shart.
«Jalpy uıymdastyrýǵa 17 mln teńge bólinip otyr. Ol 17 mln teńgeniń ishinde vaınerlerdiń jatyn orny, joly, tamaqtanýy bar.Shara tamyz aıynyń sońyna deıin ótedi dep josparlap otyrmyz. Qazirgi ýaqytta portalda sharany uıymdastyrýdy qaı mekeme utyp alady, sol mekeme ótkizetin bolady»,-dedi Almaty oblysy boıynsha «Rýhanı jańǵyrý» jobalyq keńsesi JShS dırektory Dana Dúısenova.
