Almaty oblysynyń ákimdigi koronavırýs juqtyrǵan naýqas týraly aıtty
TALDYQORǴAN. QazAqparat – Almaty oblysynda koronavırýs ınfektsııasy anyqtalǵan naýqas elimizge Mekkeden Ystanbul arqyly ushyp kelgen. Bul týraly QazAqparat tilshisine oblys ákiminiń baspasóz qyzmetiniń jetekshisi Ǵalymurat Júkel málim etti.
«Sońǵy aqparat boıynsha, koronavırýs Taldyqorǵanda tirkeldi degen habarlama taralyp jatyr. Almaty oblysynda atalǵan vırýs bir adamnan anyqtaldy. Biraq bul jaǵdaı Taldyqorǵanda emes, Qarasaı aýdanynda tirkeldi. Qazir 1986 jylǵy naýqas Qaskeleńdegi ınfektsııalyq aýrýhanada jatyr. Jaǵdaıy turaqty. Qazir vırýs juqtyrǵan adammen qarym-qatynasta bolǵandardyń barlyǵy anyqtaldy. Tıisti sharalar atqarylýda. Al koronavırýs juqtyrǵan adam bizdegi málimet boıynsha Mekkeden Ystanbul arqyly ushyp kelgen», - dedi Ǵalymurat Júkel.
Aıta keteıik, buǵan deıin QR Densaýlyq saqtaý mınıstrligi Almaty oblysynyń Taldyqorǵan qalasynda koronavırýs juqtyrýdyń 1 oqıǵasy tirkelgenin habarlaǵan bolatyn. Osy ýaqytta indetke shaldyqqandar sany el boıynsha 53 adamǵa jetti.
