Almaty oblysynyń ákimdigi 600-den astam jer telimin satyp alady
Almaty oblysy ákimdiginiń málimetinshe, Almaty – Baıserke – Talǵar gaz qubyrynyń birinshi jelisiniń qurylysy 2014 jyly aıaqtalǵan. Qazir Almaty qalasynda ornalasqan JEO-2 jáne JEO-3-ti gazben qamtamasyz etý úshin ekinshi jelini tartý qajet. Qarasaı aýdanyndaǵy «Almaty – Baıserke – Talǵar» magıstraldy gaz qubyrynyń uzyndyǵy – 16 shaqyrym. Ol Іrgeli, Eltaı aýyldyq okrýgterinde ornalasqan. Jobaǵa sáıkes gaz qysymy 3,5 MPa-dan 5,4 MPa-ǵa deıin kóteriledi. Osyǵan baılanysty qaýipsizdik aımaǵyn arttyrý qajet. Joǵaryda atalǵan gaz qubyrynyń qaýipsizdik aımaǵyna daıyndalǵan jer ýchaskeleriniń kartografııalyq qujattary men eksplıkatsııasyna sáıkes 700 jer ýchaskesi bar. Onyń 569-y bos jer bolsa, 131-de ǵımarat ornalasqan, onyń ishinde 61 turǵyn úı bar. ıAǵnı, olar satyp alýǵa jáne buzýǵa jatady.
«Qarasaı aýdany ákiminiń «Jer ýchaskelerin memleket muqtajy úshin, onyń ishinde satyp alý tártibimen májbúrlep ıelikten shyǵarý týraly» qaýlysyna sáıkes, ekinshi kezeńde 569 jer ýchaskesiniń 481-i satyp alynýy tıis. Ielikten shyǵarýdyń boljamdy quny – 3,2 mlrd teńge. Sharýa qojalyǵyn júrgizýge arnalǵan 88 jer ýchaskesi satyp alýǵa jatpaıdy jáne nysanaly maqsaty boıynsha paıdalanylýy múmkin. Qazir tıisti jumystardy júrgizip jatyrmyz. Búginde aýyl sharýashylyǵy jáne jer qatynastary bólimi Almaty oblysynyń jer qatynastary basqarmasyna óteýge qarajat bólý úshin bıýdjettik ótinim daıyndady», – dep atap ótti Almaty oblysynyń ákimi Marat Sultanǵazıev Kókózek aýylynyń turǵyndarymen kezdesýinde. Sondaı-aq 2,4 mlrd teńgege jer telimderi bar 131ǵımaratqa baǵalaý júrgizildi. 569 bos jer telimin baǵalaý 10 shildege deıin aıaqtalady. Jer ýchaskesiniń ıelerine habarlandy. Sonymen qatar olarǵa bos jatqan jer telimderin aıyrbastaý úshin Isaev, Bereke, Aqseńgir aýyldarynan balamaly jer telimderi usynyldy.
Sondaı-aq jıynda oblys ákimi Qarasaı aýdany ákimdiginiń apparatyna sýbsıdııalaý baǵdarlamasy boıynsha jalǵa beriletin turǵyn úıge 50 paıyz ótemaqy tóleý máselesin qaraýdy tapsyrdy.
