Almaty oblysynyń 42 jastaǵy turǵyny jańa týǵan sábıin satyp jiberdi
TALDYQORǴAN. 17 maýsym. QazAqparat - Almaty oblysynyń tártip saqshylary jańa týǵan náresteni satý oqıǵasyn áshkereledi.
Uıymdasqan qylmysqa qarsy kúres basqarmasynyń qyzmetkerleri jedel aldyn alý sharalarynyń barysynda Jambyl aýdanynyń 42 jastaǵy turǵyny aqpan aıynda týylǵan sábıin deldaldar arqyly 3 myń AQSh dollaryna báz bireýlerge satyp jibergenin anyqtady.
Satý-satyp alý kezinde deldal retinde «ter tókken» áıel tergeldi. Bosanǵan áıel aýrýhanadan shyqqan soń, bala saýdalanyp, belgisiz tulǵalarǵa tapsyrylǵan. Keıin satyp alýshylar kóliginiń túri men memlekettik nómiri anyqtaldy. Jambyl oblysynyń Merki aýdanyna qyzmettik issaparǵa shyqqan polıtseıler búldirshindi aýyldardyń birinen taýyp aldy.
Jańa týǵan náresteni saýdalaý oqıǵasy boıynsha zańsyz kelisimge qatysqan tulǵalardyń ústinen QR QK 133 babyna sáıkes qylmystyq is qozǵaldy. Tártip saqshylary dúnıege kelgennen keıin medıtsınalyq esepke qoıylýy tıis sábıdiń joǵalýy týraly quqyq qorǵaý organdaryna habarlamaǵan medıtsına qyzmetkerlerin teksermek.
Búginde sábı balalar úıine ornalastyryldy.
