Almaty oblysynyń 37 turǵyny armenııalyq kólikterin tirkeýge qoıdy
Almaty oblysy Polıtsııa departamentiniń aqparatyna sáıkes, sheteldik kólikterdi zańdastyrýdyń biregeı múmkindigin elimizdiń kóptegen azamaty paıdalanǵan.
«Qazaqstan Respýblıkasy Úkimetiniń 2021 jylǵy 27 aqpandaǵy qaýlysyna sáıkes elimizge Armenııadan ákelingen kólikterdi tirkeýge qoıý merzimi 2022 jylǵy 1 naýryzǵa deıingi merzimge uzartyldy. Sheteldik tirkeýdegi kóligi bar turǵyndardan osy múmkindikti jibermeı, tirkeýge tezirek qoıýǵa shaqyramyn»,- dedi Almaty oblysy Polıtsııa departamenti Ákimshilik polıtsııa basqarmasy Protsessıng ortalyǵynyń bastyǵy, polıtsııa podpolkovnıgi Nurbolat Altaev.
Esterińizge sala keteıik, Memleket Basshysynyń tapsyrmasyna sáıkes byltyr QR Úkimeti Armenııa elinen ákelingen kólikterdi tirkeýge qoıý tártibi men merzimin bekitken bolatyn. Degenmen, jahandy jaılaǵan koronavırýs indetine baılanysty memlekettik shekaralardyń jabylýyna jáne kólikterdi synaqtan ótkizý mekemelerdiń jumysyndaǵy ózgeristerge baılanysty ýaqytsha tirkeýge qoıý ýaqytyna ózgertýler engizilip, uzartylǵan bolatyn.