Almaty oblysynyń 200 myńnan astam turǵyny revaktsınatsııa kýrsynan ótti

TALDYQORǴAN. QazAqparat - Almaty oblysynyń 200 myńnan astam turǵyny revaktsınatsııa kýrsynan ótti. Óńirde halyqty koronavırýs ınfektsııasyna qarsy vaktsınatsııalaý jalǵasýda, - dep habarlaıdy QazAqparat tilshisi.

Oblys turǵyndary úshin 318 medıtsınalyq, 76 mobıldi jáne 17 jyljymaly vaktsınatsııa pýnktteri jumys isteıdi. Búgingi kúni vaktsınanyń birinshi komponentin 996 182 adam aldy. Bul tıisti kontıngenttiń 83% – yn quraıdy, ekinshi komponentti - 896 012 azamat nemese ımmýndaýǵa jatatyn eresek halyqtyń 74,7% - y aldy.

Aıta ketý kerek, Aqsý, Balqash, Qarasaı aýdandary men Qapshaǵaı, Tekeli qalalarynyń turǵyndary COVID-19-ǵa qarsy 100% egildi.

«Budan basqa, 102 355 adam Comirnaty (Pfizer) vaktsınasyn aldy, onyń ishinde 84 225 jasóspirim, 3918 júkti jáne laktatsııa kezeńinde 14 212 áıel adam bar.

Sondaı-aq, 210 943 adam revaktsınatsııanyń tolyq kýrsynan ótti, onyń ishinde 202 313 adam «QazCovid-in» jáne «SinopharmVeroCell» vaktsınalaryn alsa, 8630 adam Comirnaty (Pfizer) vaktsınasymen egildi.

Qazirgi ýaqytta oblys turǵyndary úshin vırýsqa qarsy preparattardyń tórt túri qoljetimdi, olar: Gam-KOVID-VAK (Spýtnık V), «QazCovid-in», «SinopharmVeroCell» jáne jasóspirimder, júkti, bala emizetin áıelder úshin, sondaı-aq 50 jastan asqan azamattar jáne medıtsına qyzmetkerleri úshin Comirnaty (Pfizer) ekpesi bar»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, vaktsınatsııaǵa ruqsat alý úshin ózińizdiń ýchaskelik dárigerińizge, tirkelgen jerińiz boıynsha meıirbıkeńizge júginý nemese eGov.kz portalynda elektrondyq ótinimdi jiberý arqyly aldyn ala jazylý qajet. Jasóspirimderge vaktsınatsııa ata-anasynyń nemese zańdy ókilderiniń aqparattandyrylǵan kelisimimen júrgiziledi.