Almaty oblysynyń 15 aýdanynda bastaýysh synyptarǵa sabaq bolmaıdy
TALDYQORǴAN.QazAqparat - Almaty oblysynda úskirik aıazǵa baılanysty bastaýysh synyptarda sabaqtar toqtatyldy, dep habarlaıdy QazAqparat tilshisi.
«Almaty oblysy boıynsha 16 aýdan men 3 qala bar. ıAǵnı, osy 19 aýdan men qalanyń 15-de 0-4 synyp oqýshylaryna sabaq bolmaıdy.Búgin aýa temperatýrasy -25 gradýsqa jetken eldi mekenderde sabaqtar toqtatyldy. Erteń de úskirik aıaz saqtalatyn bolsa bastaýyshtyń balalary oqymaıdy», - dedi oblystyq bilim basqarmasy basshysynyń orynbasary Maıgúl Omarova.
Sondaı-aq Maıgúl Tileýtaıqyzynyń aıtýynsha, Qarasaı, Raıymbek, Panfılov aýdandary men Tekeli qalasynyń mektepteri tolyq rejimde jumys istep tur. Bul jerlerde sabaqtar toqtatylmaǵan. Máselen Panfılov aýdanynda aýa temperatýrasy -18 gradýsty kórsetse, Raıymbekte -19, Qarasaıda -20-23, al Tekeli qalasynda -19 gradýsqa tómendegen.
Esterińizge sala keteıik, Almaty oblysynda aýa raıyna baılanysty eskertý jarııalanǵan bolatyn. Kazgıdromet mamandarynyń boljaýyna qaraǵanda, 24-29 qańtar aralyǵynda oblys aýmaǵy boıynsha aýa temperatýrasy -25-30, keı jerlerde -30-35 gradýsqa deıin tómendeıdi. Taldyqorǵanda -25-35 gradýsqa deıin qatty aıaz bolady dep boljanyp otyr. TJD-nyń qyzmetkerleri halyqty barynsha abaı bolýǵa, úskirik aıaz kezinde úıden shyqpaýǵa keńes beredi.
