Almaty oblysyndaǵy jol apatynan 4 adam mert boldy
TALDYQORǴAN. QazAqparat - Almaty oblysyndaǵy Almaty-Óskemen avtomagıstralinde jan túrshigerlik jol apaty boldy. Onyń saldarynan 4 adam mert boldy, dep habarlaıdy QazAqparat.
Bul aqparatty oblystyq Іshki ister departamentiniń ókilderi rastady.
«Qaıǵyly jaǵdaı Almaty-Óskemen trassasynyń 132-shi shyqyrymynda bolǵan. «Toıota Raf-4» pen júk kóliginiń soqtyǵysýy saldarynan 4 adam qurban boldy. Olardyń biri jańa týǵan sábı. Polıtsııa qyzmetkerleri jol-kólik oqıǵasynyń mán-jaıyn anyqtap jatyr. Oblystyq anyqtaý basqarmasynyń qyzmetkerleri sotqa deıingi ispen aınalysýda»,-dep habarlady baspasóz qyzmetiniń ókilderi.
Aıta keteıik, bul sońǵy eki táýlikte Almaty oblysynda bolǵan ekinshi iri kólik apaty. Bir kún buryn 4 kóliktiń soqtyǵysýy saldarynan 5 adam zardap shekken bolatyn.
