Almaty oblysyndaǵy jer silkinisine baılanysty TJD eskertý jasady

QONAEV. QazAqparat - Tótenshe jaǵdaılar mınıstrligine qarasty seısmıkalyq stansalar jelisi keshe Almaty oblysynda eki márte jer silkinisin tirkedi, dep habarlaıdy QazAqparat.

Sońǵy jer dúmpýi 13 qyrkúıek kúni Almaty ýaqytymen 21 saǵat 54 mınýtta bolǵan.

«Zilzala oshaǵy Almatydan shyǵysqa qaraı 89 shaqyrym qashyqtyqta, Almaty oblysynyń Eńbekshiqazaq aýdany aýmaǵyndaǵy Qaraturyq aýyldynan shamamen 30 shaqyrym jerde ornalasqan. Energetıkalyq klasy - 7.4. MVP magnıtýdasy - 3.7. Baǵyty - 43.42° s.e. 77.96° sh.b. Tereńdigi - 25 shaqyrym. Sezilgeni jaıly málimet joq»,-delingen habarlamada.

Osyǵan baılanysty Almaty oblysy TJ departamenti jergilikti atqarýshy organdarǵa, polıtsııa departamentine, Qazseldenqorǵaý departamentine, prokýratýraǵa jáne basqa da uıymdarǵa shuǵyl habarlap, aqparat jınady.

Senip tapsyrylǵan aýmaqta jaǵdaı naqtylanyp jatyr, úı qıraǵany nemese adam shyǵyny jaıly málimet túsken joq.

TJD jer silkinisi kezinde ne isteý kerektigin eske salady:

- ǵımarattan shyǵyńyz (sizde 15-20 sekýnd qana ýaqyt bar);

- eger joǵarǵy qabatta bolsańyz, kiretin esiktiń sańylaýyna nemese balalardy qushaqtap, negizgi qabyrǵalardyń buryshyna baryp turyńyz;

- eshqandaı jaǵdaıda tereze janyna barmańyz jáne balkonnan sekirmeńiz.

- ǵımarattardan, qurylystan, baǵanalar men qorshaýlardan alysyraq turyńyz;

- úıge kirmeńiz: dúmpýler qaıtalanýy múmkin;

- lıft paıdalanbańyz;

- sirińke, sham jaqpańyz:

- symdy ustamańyz;

- zardap shekkenderge alǵashqy kómek kórsetińiz.