Almaty oblysyndaǵy Jarkent qalasy karantınge jabyldy

JARKENT. QazAqparat - Almaty oblysynyń Jarkent qalasynda COVID-19 ınfektsııasynyń bir jaǵdaıy tirkeldi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Epıdemıologııalyq tekserý barysynda 1989 jyly týǵan azamattan KVI anyqtalǵan. Osyǵan baılanysty Panfılov aýdandyq bas memlekettik sanıtar dárigeriniń qaýlysymen Jarkent qalasy 30 sáýir saǵat 00.00-den bastap karantınge jabyldy.

Patsıent Shelek aýylyndaǵy aýdandyq aýrýhanasyna jatqyzyldy. Onyń 15 adammen qarym-qatynasta bolǵany anyqtaldy. Olardyń barlyǵy Panfılov aýdandyq aýrýhanasynyń provızorlyq bólimine karantınge alyndy.

Epıdemıologııalyq tekserýler jalǵasyp jatyr.