Almaty oblysyndaǵy ushaq apatyna qatysty QR IDM tekserý júrgizedi
ASTANA. QazAqparat - QR Iınvestıtsııalar jáne damý mınıstrligi «Olja Bastaý» JShS-ǵa tıesili kishi avıatsııa jeke ushaǵymen bolǵan avıatsııalyq oqıǵa týraly habarlaıdy.
Ushaqtyń bortynda eki adam bolǵan. Áýe apaty bolǵan jerge TJM qyzmetkerleri keldi. Ushqysh qaza taýyp, zardap shekken ushaqtyń ıesiniń ókiline alǵashqy medıtsınalyq kómek kórsetildi, dep habarlaıdy mınıstrliktiń baspasóz qyzmeti.
Oqıǵa Almaty oblysy Jıdeli eldi mekeninen soltústik-shyǵysqa qaraı 20 shaqyrym jerdegi baqylanbaıtyn áýe keńistigi aýmaǵynda bolǵan.
Ushaq AQSh-ta jasalǵan túri - MAULE M-7-260S.
«Olja Bastaý» JShS-nyń QR IDM Azamattyq avıatsııa komıteti beretin avıatsııalyq jumys kýáligi nemese paıdalanýshy retindegi sertıfıkaty bolmaǵan. Paıdalanýshy «Olja Bastaý» JShS jalpy maqsattaǵy avıatsııaǵa qaraıdy, QR IDM Azamattyq avıatsııa komıtetiniń tirkeýinde tur. Atalmysh oqıǵa boıynsha QR IDM Kólik apaty men oqıǵasyn tekserý jónindegi departament tekseris júrgizedi.
