Almaty oblysyndaǵy topyraq kóshkini: Turǵyndarǵa qaýip bar ma
ASTANA. QazAqparat - Almaty oblysynda taý jynystarynyń kóshkini qazirgi ýaqytta turǵyndarǵa qater týdyryp turǵan joq. Bul týraly baspasóz máslıhatynda QR Іshki ister mınıstriniń orynbasary ıÝrıı Ilın málim etti, dep habarlaıdy QazAqparat.
«Tómengi jaqta Saty jáne Alǵabas eldi mekenderi bar. Biz sol ýchaskege monıtorıng júrgizdik. Ár eldi mekendegi turǵyndar sany myń adamnan asady. Olarmen tıisti túsindirý sharalary júrgizildi. Qazirgi kezde bul eldi mekender úshin kóshkin qater tóndirip turǵan joq», - dedi ıÝ. Ilın.
Onyń sózine qaraǵanda, qazirgi kezde kóshkin eki ýchaskege (ońtústik jáne soltústik) bólingen. Aldyn ala esepteýler boıynsha onyń massasy shamamen 50 mln. tekshe metrdi qurap otyr. Kólsaı ózeni arnasyna jaqyndaǵan ońtústik ýchaskede taý jynystarynyń qozǵalýy birshama baıaý jyljyp keledi. Soltústik ýchaskede ózenge deıin 60 metr qashyqtyq qaldy. Osy oraıda sýdyń kóp kólemde jınalýyna jol bermes úshin tıisti sharalar atqarylyp jatyr.
