Almaty oblysyndaǵy taý jynystarynyń kóshkini zerttelip jatyr
ASTANA. QazAqparat - Almaty oblysynda kóshkin ornynda Geografııa ınstıtýty ǵylymı qyzmetkerleri zertteý jumystaryn júrgizdi. Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov málim etti, dep habarlaıdy QazAqparat.
«2018 jylǵy 19 sáýirde Kegen aýdany aýmaǵynda taý jynystarynyń kóshkini anyqtaldy. 23 sáýirdegi jaǵdaı boıynsha kóshkin Kólsaı ózenine qaraı jyljyp keledi. Onyń qozǵalysy saǵatyna 0,4 metrge deıin tómendedi», - delingen komıtet málimetinde.
Aıta keteıik, 21 sáýirde kóshkin massasy eki ýchaskege bólinip, ońtústik ýchaske Kólsaı ózeniniń arnasyna jetti. Al soltústik bóligi de ózenge qaraı jyljyp keledi jáne ózenge deıingi araqashyqtyq 67 metrdi qurady.
«Atalǵan jerde Almaty oblysy TJD-nyń jedel shtaby jumys isteýde. Geografııa ınstıtýtynyń ǵylymı qyzmetkerleri kóshkin ornynda zertteý jumystaryn júrgizdi. Onyń nátıjeleri aldaǵy ýaqytta jarııa etiledi. Jergilikti atqarýshy organdar Kólsaı kólindegi demalys aýmaǵyna baratyn jol men elektr jelisin qalpyna keltirý máselesin sheship jatyr», - dedi vedomstvodan.
Qazirgi kezde taý jynystarynyń kóshkini eldi mekenderge qaýip tóndirip turǵan joq.
