Almaty oblysyndaǵy taý ózenderinde sý deńgeıi kóterilýi múmkin - TJD

ALMATY. QazAqparat - Almaty oblysynyń Tótenshe jaǵdaılar departamenti naýryzdyń 2-4 kúnderi jaýyn saldarynan taýly ózenderdegi sý deńgeıiniń kóteriletinin eskertýde, dep habarlaıdy QazAqparat tilshisi.

«Qazgıdromet» kásipornynyń málimetinshe, 2-4 naýryz aralyǵynda Almaty oblysynyń taýly aımaqtarynda jaýyn-shashyn bolady. Taý ózenderinde sý deńgeıiniń kóterilýi jáne betkeı aǵyndardyń qalyptasýy kútilýde», - delingen vedomstvonyń baspasóz qyzmeti taratqan habarlamada.

Tótenshe jaǵdaılar departamenti azamattardy aýa raıynyń ózgerýin baqylap, saqtyq sharalaryn saqtaýǵa shaqyrady.

Buǵan deıin QR Tótenshe jaǵdaılar mınıstri ıÝrıı Ilın bıylǵy kóktemde sý basý qaýpi bar aımaqtardy ataǵan bolatyn. Almaty oblysy táýekeli ortasha aımaqqa jatady.