Almaty oblysyndaǵy tasjolda reıstik avtobýstan 22 jolaýshy evakýatsııalandy
TALDYQORǴAN. QazAqparat - Almaty oblysyndaǵy Almaty-Óskemen tasjolynda synyp qalǵan reıstik avtobýstan 22 jolaýshy evakýatsııalandy. Bul týraly oblystyq Tótenshe jaǵdaılar departamentiniń baspasóz qyzmetinen habarlandy.
«2019 jyly 16 qańtarda 05 saǵat 44 mınýtta Almaty oblysynyń Tótenshe jaǵdaılar departamentine Almaty-Óskemen avtojolynda 464 shaqyrymynda «Setra» markaly jolaýshylar avtobýsy synyp qalǵany týraly habar kelip tústi. Shaqyrtý ornyna Sarqan aýdany Tótenshe jaǵdaılar bóliminiń jáne Sarqan qalasy №34 Órt sóndirý bóliminiń qyzmetkerleri 3 adam shyqty. Oqıǵa ornyna kelip jetken kezde Aqjar-Almaty baǵyty boıynsha kele jatqan 50 oryndyq jolaýshylar avtobýsy synǵany anyqtaldy» delingen baspasóz baıanynda.
Sarqan aýdanynyń órt sóndirýshi-qutqarýshylary Ýral avtokóligimen 50 jolaýshynyń 22 jolaýshysyn evakýatsııalap, Sarqan qalasynyń avtobeketine jetkizgen. Zardap shekkender men qurban bolǵandar joq.
