Almaty oblysyndaǵy sý tasqynynda 28 adam mert boldy - TJM
STANA. Naýryzdyń 13-i. QazAqparat - Almaty oblysyndaǵy sý tasqynynda 28 adam mert boldy,
dep habarlady TJM-nyń baspasóz qyzmeti.
Buǵan deıin habarlanǵandaı, Almaty oblysynyń Aqsý aýdanynda aýa temperatýrasynyń kóterilýinen jáne tolassyz jaýǵan jaýynnyń saldarynan naýryzdyń 11-i kúni keshke Qyzylaǵash sý qoımasynyń bógeti buzylyp ketip, Qyzylaǵash aýylyn sý basqan bolatyn.
Naýryzdyń 12-si kúni keshqurym izdestirý-qutqarý jumystarynyń nátıjesinde 28 adamnyń denesi tabyldy, olardyń 15-i - áıel, 9 - er, 4-ýi bala.
Qazir Qyzylaǵash aýylyna jaqyn jerde 1000 orynǵa arnalǵan palatkalyq qalashyq pen dalalyq gospıtal jasaqtaldy.
Tótenshe jaǵdaıda joıý jumystaryna 654 adam men 103 tehnıka jumyldyryldy. Apat ornynda QR Úkimetiniń basshysy Kárim Másimovtyń basqarǵan Úkimettik komıssııa jumys isteýde.
