Almaty oblysyndaǵy sý tasqynynan zardap shekkenderge gýmanıtarlyq kómek jınalyp jatyr

dep habarlaıdy QazAqparat.

Qazirge deıin «Jas otan» jastar qanatynyń bul bastamasyn qaladaǵy on joǵary oqý orny men jastardyń bes uıymy, birqatar kompanııalar qoldaǵan. Atalǵan shara senbi kúni bastalǵan. Sodan beri «Galanz Bottlers» kompanııasy 1,5 myń tonna tazartylǵan aýyz sý berse, turǵyndar tarapynan 2 tonna azyq-túlik jınalǵan. Bunymen qatar «Interfýd», «Megatsentr» dúkenderi azyq-túlik usynǵan. «Jınalǵan zattar kúnde keshkisin tasqyn sýdan zardap shekken otandastarymyzǵa jetkizilip jatyr. Aktsııa sársenbige deıin jalǵasady», deıdi «Jas Otan» jastar qanatynyń «Biz Qazaqstandy birge salamyz» jobasynyń jetekshisi Ybyraı Dáýitov. Qazirgi kezde «Jas otannyń» aktsııasy Almatynyń «Mega tsentr», «Sıtı tsentr», «Sıtı plıýs», «Keremt» dúkenderinde ótkizilýde. Bundaǵy arnaıy jáshikterge kez-kelgen turǵyn merizimi uzaq ýaqytqa shydaıtyn azyq-túlik, kıim-keshek ákep, apattan zardap shekken otandastaryna kómek kórsete alady.Jas Otannyń aktsııasyn basty qoldaýshy «Interfýd» kompanııasy jeksenbi kúni apat ornyna 600-den astam kıim-keshek jetkizgen. Sonymen qatar Qapshaǵaı, Taldyqorǵan qalalarynda arnaıy kómek ornyn ashqan. «Jastardyń aktsııasyn qoldap, sondaı-aq otandastarymyzǵa kómektesý basty maqsatymyz. Eger kómek aldaǵy ýaqytta qajet bolyp jatsa, sársenbiden ary qaraı da jalǵasatyn bolady», deıdi «Interfýd» kompanııasynyń ókili Nurken Halyqbergen.