Almaty oblysyndaǵy shekara zastavasynda sarbaz asylyp qaldy

ASTANA. QazAqparat - Almaty oblysyndaǵy shekara zastavasynda sarbaz asylǵan kúıinde tabyldy, dep habarlaıdy QazAqparat Bas áskerı prokýratýranyń baspasóz qyzmetine silteme jasap.

«12 sáýir kúni shamamen saǵat 17:00-de QR UQK Shekara qyzmetiniń 2484 áskerı bóliminiń «Jońǵar» shekara zastavasynda (Almaty oblysy Úsharal q.) asylǵan kúıinde atalǵan áskerı bóliminiń merzimdi áskerı qyzmetkeri qatardaǵy A.E. Hamzınniń máıiti tabyldy», delingen habarlamada.

Prokýratýranyń habarlaýynsha, óz-ózine qol salý sebebi áskerı qyzmetke qatysy joq jeke basynyń máselelerine qatysty bolýy múmkin.

Oqys oqıǵa QR Qylmystyq kodeksiniń 105-baby 1-bólimimen (ózin-ózi óltirýge deıin jetkizý) tirkeldi jáne QR ІІM ÁTB Ońtústik aımaǵynyń Taldyqorǵan bóliminiń óndirisine qabyldandy.

Qazir qajetti tergeý-jedel izdestirý amaldary júrgizilip jatyr.