Almaty oblysyndaǵy saýda ortalyǵyn «mınalaýǵa» qatysty qylmystyq is qozǵaldy
TALDYQORǴAN. QazAqparat – Almaty oblysyndaǵy «Mall Aport» saýda, oıyn-saýyq ortalyǵynyń aýmaǵyna qoıylǵan jarylǵysh zat týraly aqparat jalǵan bolyp shyqty, dep habarlaıdy QazAqparat tilshisi.
Eske sala keteıik, 23 sáýir kúni saǵat 10-da Almaty oblysynyń Qarasaı aýdanynda ornalasqan «Mall Aport» SOSO aýmaǵyna qoıylǵan jarylǵysh zat týraly anonımdi aqpar kelip tústi.
«Osy ýaqyt aralyǵynda oqıǵa ornynda azamattardyń qaýipsizdigin qamtamasyz etken polıtseıler, saperler men shuǵyl qyzmet mamandary jumys istedi. Júrgizilgen tekseris nátıjesinde jarylǵysh zat tabylmady. Aqparat jalǵan bolyp shyqty. Qazirgi kezde Qazaqstan Respýblıkasy Qylmystyq kodeksiniń 273-baby «Kórineý jalǵan aqparat» faktisi boıynsha qylmystyq is qozǵaldy, jalǵan aqparat taratýshylardy anyqtaý jáne ustaýǵa qatysty jedel sharalar júrgizilýde», - dep habarlady Almaty oblysynyń Polıtsııa departamentinen.
Nysan shtattyq rejımde jumysyn jalǵastyrýda.
