Almaty oblysyndaǵy sarbaz qaza bolǵan jerde túsirilgen vıdeo jarııalandy

ALMATY. QazAqparat – QR Ulttyq ulany «Ońtústik» óńirlik qolbasshylyǵynyń baspasóz qyzmeti Almaty oblysynda qatty daýyl kezinde ulttyq gvardııa merzimdi qyzmetiniń áskerı qyzmetshisi jazataıym jaǵdaıda qaza bolǵan jerde túsirilgen vıdeony jarııalady, dep habarlaıdy QazAqparat tilshisi.

9 tamyzda keshki ýaqytta qatty daýyl kóterilip, sarbazdar ornalasqan shatyr qalashyǵy búline bastaǵan. Qatardaǵy jaýynger áriptesterin qaýipsiz jerge kóshirýge kómektesip, sońynan shyǵyp kele jatqanda shatyrdyń temir jaqtaýy qulap, basynan soqqy alady .

Sarbazǵa jedel medıtsınalyq kómek kórsetilip, sanıtarlyq kólikpen Qonaev qalasyndaǵy qalalyq aýrýhanaǵa jetkizilgen. Keıinnen qalalyq aýrýhana dárigerleri sarbazdyń qaıtys bolǵanyn aıtty.

Jaýyngerlik daıyndyq josparyna sáıkes 5571 áskerı bóliminiń 1 jedel maqsattaǵy batalonynyń jeke quramy 8-13 tamyz aralyǵynda 5574 áskerı bóliminiń oqý ortalyǵynda dalalyq jattyǵýda bolǵan.

19 jastaǵy sarbaz Ulttyq ulan qataryna bıylǵy kóktemde Aqmola oblysy Kókshetaý qalalyq Qorǵanys isteri jónindegi departamentinen shaqyrylǵan.