Almaty oblysyndaǵy Penjim aýylynda 60 páterli eki úı paıdalanýǵa berildi
TALDYQORǴAN. QazAqparat - Almaty oblysynyń Panfılov aýdanyndaǵy Penjim aýylynda 60 páterli kommýnaldyq, eki kópqabatty turǵyn úı paıdalanýǵa berildi. Qonystoı ıelerin oblys ákiminiń orynbasary Aıdarbek Baıjanov quttyqtady, dep habarlaıdy QazAqparat tilshisi.
«Sizderdi oblys basshylyǵynyń atynan búgingi qýanyshty oqıǵamen shyn júrekten quttyqtaımyn. Elbasy Nursultan Ábishuly Nazarbaevtyń tapsyrmalarynyń biri - halyqty qoljetimdi baspanamen qamtamasyz etý. Memlekettik baǵdarlamalardyń arqasynda oblysta bul baǵytta aýqymdy jumystar atqarylýda. 60 páterli eki kommýnaldyq úıdi paıdalanýǵa bergeli otyrmyz. Jańa páterlerińizdiń ishi árqashan qýanysh pen shattyqqa tolsyn», - dedi óz quttyqtaýynda A. Baıjanov.
Jalpy Panfılov aýdany Penjim aýylyndaǵy 60 páterlik eki kommýnaldyq turǵyn úı óńirlerdi damytýdyń 2020 jylǵa deıingi baǵdarlamasy sheńberinde salyndy. Páterlerdiń jalpy alańy - 6341,68 sharshy m., 1 bólmeli páterler sany - 28, olardyń alańy - 39,04-42,75 m2, 2 bólmeli páter sany - 32, alańy - 61,56-64,77 m2.
Smetalyq quny - 885,5 mln. teńge, qurylysyn «New Construction» merdiger mekemesi júrgizdi. Turǵyn úılerdiń qurylysy 2015 jyldyń qyrkúıeginde bastalǵan bolatyn. Baspana ınjenerlik-kommýnıkatsııalyq júıelermen tolyq qamtamasyz etilgen.
