Almaty oblysyndaǵy Panfılov aýdanynyń kásipkerleri 1800 otbasyǵa kómek kórsetti

TALDYQORǴAN. QazAqparat - «Biz birgemiz» respýblıkalyq aktsııa aıasynda Almaty oblysynyń Jarkent qalasynda eki myńǵa jýyq otbasyǵa azyq-túlik taratyldy, dep habarlaıdy QazAqparat tilshisi.

Tótenshe jaǵdaı kezinde aýdan turǵyndaryna qoldaý kórsetýge jergilikti kásipkerler Zakırjan Kýzıev pen Serik Aqsýbaev 15 mıllıonǵa jýyq qarajat bólgen.

«Biz aýdandaǵy kásipkerlermen birlesip jumys istep jatyrmyz. Buǵan deıin 700-ge jýyq kópbalaly jáne az qamtylǵan otbasylarǵa kómek kórsetildi. Al 11 sáýirde 1800 januıaǵa áleýmettik paket taratyldy. Osyndaı qysyltaıań sátte turǵyndarǵa qoldaý kórsetken kásipkerlerge alǵys bildiremin»,-dedi aýdan ákimi Talǵat Ómirálıev.

1800 otbasyny qamtyǵan qaıyrymdylyq sharasyna Zakırjan Kýzıev basqaratyn «Jarkent krahmal-sirne» zaýytynyń qyzmetkerleri de qamtylǵan.

«Bizde 1200-den astam qyzmetker jumys isteıdi. Tótenshe jaǵdaıǵa qaramastan jumys toqtaǵan emes. Sondyqtan osyndaı jaǵdaıda qol ushyn berý kerek. Aldaǵy ýaqytta bmundaı qaıyrymdylyq sharalary jalǵasyn tabatyn bolady»,- deıdi zaýyt basshysy.

Jarkent turǵyndary kásipkerlerge kórsetken kómegi úshin alǵystaryn bildirdi.