Almaty oblysyndaǵy oıynhanada bolǵan órtke baılanysty 87 adam qaýipsiz jerge kóshirildi
ASTANA. 8 qyrkúıek. QazAqparat - Almaty oblysyndaǵy oıynhanada bolǵan órtke baılanysty 87 adam qaýipsiz jerge kóshirildi, dep habarlaıdy QR TJM-niń baspasóz qyzmetinen.
Juma, 7 qyrkúıek kúni Qapshaǵaı qalasyndaǵy Indýstrıalnaıa kóshesinde ornalasqan «Astorııa» oıynhanasy ǵımaratynyń shatyry men tóbesiniń jabyny órtene bastady. Jalyn tili 300 sharshy metr jerge tarady. Oqıǵa ornynan 87 adam qaýipsiz jerge kóshirildi. Qaza tapqandar men zardap shekkender joq.
Órtti sóndirýge QR TJM Almaty oblystyq TJD órt sóndirý qyzmetindegi jeke quramnyń 9 adamy men 3 tehnıka birligi jáne QR QM áskerı bólimderiniń jeke quramyndaǵy 13 adamy men 3 tehnıkasy jumyldyryldy.
