Almaty oblysyndaǵy monıtorıngtik toptar 87 mln teńgege aıyppul saldy
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada monıtorıngtik toptardyń músheleri 29 884 reıd júrgizgeni habarlanady.
«Almaty oblysynyń aýmaǵynda koronavırýs ınfektsııasynyń taralýynyń aldyn alý, Halyqtyń qaýipsizdigin qamtamasyz etý maqsatynda karantın kezinde qyzmet kórsetetin nysandardyń sanıtarııalyq-epıdemıologııalyq rejımdi saqtaýyn baqylaý úshin monıtorıngtik toptar quryldy.
268 monıtorıngtik toptyń quramyna jergilikti atqarýshy organdar, «Atameken» Ulttyq Kásipkerler palatasy, quqyq qorǵaý organdary men BAQ ókilderi kiredi.
2021 jyldyń 1 qańtardan 21 qyrkúıekke deıin monıtorıngtik toptardyń músheleri 29 884 reıd júrgizdi. 158 405 nysandy tekserýmen qamtyldy, buzýshylyqtary bar 1399 obekt anyqtaldy»,- delingen vedomstvonyń taratqan habarlamasynda.
Vedomstvonyń málimetinshe, nysandardyń barlyq basshylarymen túsindirý jumystary júrgizilip, eskertý jasalǵan.
Tekserý materıaldary boıynsha 87 104 940 teńge somasyna 787 nysanǵa ákimshilik aıyppul salyndy. Onyń ishinde qoǵamdyq tamaqtaný obektilerinde jáne kóńil kóterý oryndarynda – 255 hattama toltyrylǵan.
