Almaty oblysyndaǵy mektep oqýshysynyń ózine qol salý áreketi: prokýrorlar kinálilerdi atady

QONAEV. QazAqparat – Almaty oblysynyń prokýrorlary 4-synyp oqýshysynyń óz-ózine qol salýǵa árekettenýine ákep soqtyrǵan máselege baılanysty kinálilerdi jazalaý týraly usynys engizdi, dep habarlaıdy QazAqparat tilshisi.

«11 qyrkúıekte Almaty oblysy Talǵar aýdanynyń prokýratýrasy oblystyq bilim basqarmasyna zań buzýshylyqtardy joıý týraly usynys engizip, aýdandyq bilim bólimine, mektep ákimshiligine, synyp jetekshisi men psıhologqa tıimdi shara qoldanýdy, sondaı-aq materıaldy kámeletke tolmaǵandar isteri jónindegi aýdandyq komıssııanyń qaraýyna berý týraly aıtty», - dep habarlady Almaty oblysy prokýratýrasynyń baspasóz qyzmeti.

Sondaı-aq aýdan prokýratýrasynyń qyzmetkerleri ýákiletti organdarmen birlesip, quqyq buzýshylyqtyń aldyn alý maqsatynda mekteptiń májilis zalynda dárister ótkizýdi josparlap otyr.

Eske salaıyq, 11 qyrkúıekte Almaty oblysy Talǵar aýdany Besaǵash aýylynda bastaýysh synyp oqýshysy bir qorap dári iship, ómirimen qoshtaspaq bolǵan.

Polıtseıler qazirgi ýaqytta istiń mán-jaıyn tolyq, jan-jaqty jáne obektıvti zerdeleý úshin saraptamalar taǵaıyndalyp, barlyq qajetti tergeý sharalary júrgizilip jatqanyn aıtty.