Almaty oblysyndaǵy logıstıkalyq fırmalardy polıtseıler «qamqorlyqqa alǵan»
ASTANA. QazAqparat - Almaty oblysy sybaılas jemqorlyqqa qarsy Ulttyq bıýro departamenti QR ІІM Kóliktegi ІІD Dostyq stansasynyń Jelilik polıtsııa bóliminiń basshysy, podpolkovnık T.Quıqabaev jáne onyń orynbasary podpolkovnık D.Mádıbaevty áshkereledi, dep habarlady mekemeniń baspasóz qyzmeti.
Laýazymdy tulǵalar Dostyq stansasy aýmaǵyndaǵy logıstıkalyq fırmalardy «qamqorlyqqa alý» boıynsha qylmystyq shema uıymdastyrǵan.
«Taýardy kedergisiz artý jáne aldaǵy ýaqytqa qorǵaýǵa alǵany úshin Quıqabaev pen Mádıbaev 100 000 teńge kólemindegi kezekti parasyn alý ústinde ustaldy», - delingen habarlamada.
Qazirgi ýaqytta T.Quıqabaev jáne D.Mádıbaev Sarqan aýdany ІІB ýaqytsha ustaý ızolıatoryna qamaldy.
Sotqa deıingi tergeý júrip jatyr.
