Almaty oblysyndaǵy qus fabrıkasynda 40 myń taýyq tunshyǵyp ólgen
ALMATY. QazAqparat – Almaty oblysyndaǵy qus fabrıkasynda 40 myń taýyq ottegi jetispeı, tunshyǵyp ólgen, dep habarlaıdy QazAqparat tilshisi.
Uıǵyr aýdany ákimdigi habarlaǵandaı, 2020 jyldyń 18-19 jeltoqsan aralyǵynda «Otan Green Food» JShS №2 broıler tsehynyń №3 korpýsynda 41 002 bas qus ólgen.
«№3 korpýsta kompıýterdiń jumysy buzylǵandyqtan jeldetkish klapan ashylmaı qalǵan. Sondyqtan qustarǵa ottegi jetpegen. Sonymen qatar, korpýstyń ishi qyza bastaǵan»,- dedi mekemeden.
Bul derekti qus fabrıkasynyń veterınarlyq qyzmeti de rastady.
Oblystyq ákimdik «Otan Green Almaty Food» JShS-nyń basqa qustary aman ekenin habarlady.
«Qus fabrıkasy kus tumaýyna qatysty serologııalyq taldaý jasap jatyr. 10 jeltoqsanda IFA tásilimen júrgizilgen zertteý boıynsha qus tumaýy anyqtalmady. Aýdanda epızootııalyq ahýal turaqty. Basqa jaǵdaılar tirkelmedi»,- dedi ákimdikten.
